မြန်မာပြက္ခဒိန်အကြောင်း တစေ့တစ်စောင်း(2)

ဦးတန်ခူး၊ နှောင်းတန်ခူး အားလေ့လာခြင်း

မြန်မာပြက္ခဒိန် သက္ကရာဇ် တစ်နှစ်တာကာလ၏ နှစ်ဦး အစပိုင်းတွင် တန်ခူးလရှိပြီး  နှစ်ကုန်ဆုံးခါနီး အချိန်တွင် လည်း တန်ခူးလရှိပါသည်ဟု ဆိုလျှင် မြန်မာပြက္ခဒိန်နှင့် အလှမ်းဝေးသူများအဖို့ မျက်စိလည်သွားပေမည်။ အမှန်တကယ်လည်း တန်ခူးလသည် နှစ်ကုန်ဆုံးခါနီးတွင်လည်း ရှိနေပါသည်။ ထို့ကြောင့်ပင်လျှင် ဦးတန်ခူး၊ နှောင်းတန်းခူး ဟူသော ဝေါဟာရများ ရှိနေခြင်းဖြစ်ပါသည်။

မြန်မာပြက္ခဒိန်သည် နေသွားနှင့် လသွားကို ဖော်ပြသောပြက္ခဒိန်ဖြစ်သော်လည်း ယခုအသုံးပြုနေကြသော အင်္ဂလိပ်-မြန်မာ ပြက္ခဒိန်များတွင်မူ နှောင်းတန်ခူး၊ ဦးတန်ခူး ခွဲခြားဖော်ပြထားမည် မဟုတ်ပါချေ။ နေသွားရက်များအဖြစ် မှတ်သားနိုင်သော သုဒ္ဓဒိန်ရက်များကိုလည်း တွေ့မြင်ရလိမ့်မည် မဟုတ်ပေ။ ထိုအချက်သည် တကယ်တမ်း တွေးကြည့်ပါလျှင် ၀မ်းနည်းစရာပင် ဖြစ်ပါသည်။ မြန်မာ့ရိုးရာယဉ်ကျေးမူ အမွေအနှစ်တစ်ရပ်ဖြစ်သော မြန်မာပြက္ခဒိန်အား အနောက်တိုင်း ယဉ်ကျေးမှု ဖြစ်သော အင်္ဂလိပ်ပြက္ခဒိန်က ၀ါးမျိုလိုက်ခြင်းကြောင့် မြန်မာပြက္ခဒိန်တွင်ထိုသို့ လိုအပ်ချက်များ ရှိသွားခြင်းဖြစ်မည်ဟု ကျွန်တော် ယူဆမိပါသည်။ ထိုသို့ အင်္ဂလိပ်ပြက္ခဒိန်က ကြီးစိုးလွှမ်းမိုးနေသည့်အတွက် January လအတွက်သာ အလေးထားဖော်ပြရာ မြန်မာလအမည်များအတွက်မူ နတ်တော်/ပြာသို စသည်ဖြင့်လည်းကောင်း၊ မြန်မာရက်စွဲများ၏ ပုံနှိပ်စာလုံးများသည်လည်း အင်္ဂလိပ်ရက်စွဲများထက် သေးငယ်စွာ ရိုက်နှိပ်ဖော်ပြခြင်း တို့ဖြင့်လည်းကောင်း ပြက္ခဒိန်ရှိ မြန်မာရက်စွဲများ အားလျော့သိမ်ငယ်နေရ ပြန်ပါသည်။ မြန်မာနိုင်ငံတွင် မြန်မာပြက္ခဒိန်သည် လိုအပ်ချက်များအချို့ ရှိနေသောကြောင့်လည်း မြန်မာပြက္ခဒိန်တွင် ဦးတန်ခူး၊ နှောင်းတန်ခူး ခွဲခြားရမှန်း မသိရှိကြသူများလည်း တော်တော်များများ ရှိနေပေလိမ့်မည်။  ထို့ကြောင့် မြန်မာမှန်လျှင် ကိုယ့်မြန်မာလူမျိုးတို့၏ ပြက္ခဒိန်အကြောင်းကိုလည်း နည်းနည်းပါးပါးလေးတော့ လေ့လာကြဖို့ တိုက်တွန်းလိုပါသည်။

ငါ့နှယ်နော် . . . ခေါင်းစဉ်နဲ့ မဆိုင်တဲ့အကြောင်းတွေ ရောက်သွားပြန်ပြီ။ မဆိုင်တာတွေ ထားလိုက်ပါတော့ . .   ဦးတန်ခူး၊ နှောင်းတန်ခူး အကြောင်းလေးကိုပဲ ပြန်ဆက်ကြရအောင် . .

အောက်တွင် တန်ခူးလအတွက် နမူနာအဖြစ် မြန်မာပြက္ခဒိန်ကို ဖော်ပြပေးထားပါသည်။ တန်ခူးလဆန်း 1ရက်မှ တန်ခူးလကွယ်ထိ ဖော်ပြထားခြင်း ဖြစ်ပါသည်။  

အထက်ပါ ပြက္ခဒိန်သည် တန်ခူးလတစ်လတည်း အတွက်ဖြစ်သော်လည်း နှောင်းတန်ခူး၊ ဦးတန်ခူးအား သိသာစေရန်အတွက် အပေါ်ဆုံးတွင် ၁၃၇၄ နှောင်းတန်ခူး/ ၁၃၇၅ ဦးတန်ခူး ဟု ဖော်ပြထားသည်ကို တွေ့မြင်ရပေမည်။ တန်ခူးလ တစ်လတည်းမှာပင် နှောင်းတန်ခူး၊ ဦးတန်ခူး ဟူ၍ အမည်နှစ်မျိုး ဖြစ်သွားခြင်းဖြစ်ပါသည်။ အဘယ်ကြောင့် ထိုသို့အမည်နှစ်မျိုးဖြစ်သွားသလဲ ဆိုပါမူ မြန်မာပြက္ခဒိန်သည် နေသွားနှုန်းနှင့် လသွားနှုန်းတို့အား ညှိနှိုင်းတွက်ချက် ထားရသောကြောင့် ဟုသာ ဖြေရပါလိမ့်မည်။ ထိုအကြောင်းအရာများ ရှင်းလင်းမြင်သာအောင် ဆက်လက်၍ ပြက္ခဒိန်တွက်နည်းများ ရေးသားသင့်/မသင့်ကိုမူ စဉ်းစားနေတုန်းပင် ရှိပါသေးသည်။ (ရေးရင်းနဲ့ မဆိုင်တာတွေ ရေးမိမှာစိုးလို့)

လဆန်း၊ လပြည့်၊ လဆုတ်၊ လကွယ်

မြန်မာပြက္ခဒိန်အား မှတ်သားရေတွက်ရာတွင် လဆန်း၊ လပြည့်၊ လဆုတ်၊ လကွယ် အစဉ်လိုက်ရေတွက်ရပါသည်။ ကောင်းကင်ရှိလမင်းသည်အား သတိထားကြည့်ရှုပါလျှင် အလင်းရောင်အား တစ်ရက်ထက် တစ်ရက် တဖြည်းဖြည်း တိုးလာခြင်းကို လဆန်းရက်များအဖြစ် မှတ်သားခြင်း ဖြစ်ပြီး၊ ထို့နောက် လမင်းကြီး တစ်ခုလုံး ၀ိုင်းဝိုင်းစက်စက် ၀င်းဝင်းပပ ထိန်လင်းနေခြင်းသည် လပြည့်နေ့ ဖြစ်သည်။ ထို့နောက် လမင်း၏ အလင်းရောင် တဖြေးဖြေး ပြန်လည် ဆုတ်ယုတ်သွားသော လဆုတ်နေ့များအား တွေ့မြင်ရပြီး လမင်းကွယ်ပျောက်သွားသော နေ့သည် လကွယ်နေ့ဖြစ်ပါသည်။ ထိုသို့ကောင်းကင်ရှိ သဘာဝနှင့် အနီးစပ်ဆုံးကိုက်ညီရန် မြန်မာပြက္ခဒိန်ကို စီရင်ရခြင်း ဖြစ်ပါသည်။ ထိုသို့ ကောင်းကင်ရှိလမင်း၏ အလင်းရောင်တိုး/ဆုတ် သဘာဝအတိုင်း လဆန်း၊ လပြည့်၊ လဆုတ်၊ လကွယ် အစဉ်လိုက်ရေတွက်ရခြင်း ဖြစ်ပါသည်။  

နေသွားသုဒ္ဓဒိန်ရက်

တန်ခူးလဆန်း ၁ ရက်၊ တန်ခူးလဆန်း ၂ ရက်၊ လပြည့်၊ လဆုတ်၊ လကွယ် စသည်တို့မှာ လမင်း၏သွားနှုန်းများအား မှတ်သားထားခြင်းဖြစ်ပြီး သုဒ္ဓဒိန် ၁၊ သုဒ္ဓဒိန် ၂ စသည်တို့မှာ နေသွားနှုန်းများအား ဖော်ပြထားခြင်း ဖြစ်ပါသည်။ ထိုသုဒ္ဓဒိန်ရက်ပေါင်း 365.25 ရက်ခန့် ရောက်ရှိသော သင်္ကြန်အတက်နေ့တွင် မြန်မာသက္ကရာဇ် ၁ နှစ်ပြည့်ပြီ ဖြစ်ပါသည်။ မြန်မာပြက္ခဒိန်များတွင် နေသွား သုဒ္ဓဒိန်ရက်များအား တစ်နှစ်တာကာလ သတ်မှတ်ရုံမှလွဲ၍ ထည့်သွင်း ဖော်ပြလေ့မရှိသော်လည်း ယခုပြက္ခဒိန်တွင်မူ (မြန်မာပြက္ခဒိန်သည် နေသွား လသွား ပြက္ခဒိန်ဖြစ်သည်) ဆိုသော အင်္ဂါရပ်နှင့် ကိုက်ညီစေရန် ထည့်သွင်းဖော်ပြထားခြင်း ဖြစ်ပါသည်။

ဖော်ပြပါ ပြက္ခဒိန်ကို ကြည့်မည်ဆိုပါက နှောင်းတန်ခူးလဆန်း ၁ရက် ကြာသပတေးနေ့တွင် နေသွားရက်ပေါင်း 360 ရှိပြီဖြစ်ပါသည်။ နှောင်းတန်ခူးလဆန်း 6 ရက်၊ အင်္ဂါနေ့သို့ ရောက်ပါမှ သုဒ္ဓဒိန် 365 ရက်၊ သင်္ကြန်အတက်နေ့သို့ရောက်ရှိပြီး မြန်မာသက္ကရာဇ် ၁နှစ် (365 ရက်) ပြည့်မည် ဖြစ်ပါသည်။ တနည်းအားဖြင့် သင်္ကြန်အတက်နေ့အား နှစ်ကုန်ဆုံးသောနေ့ ဟု မှတ်သားနိုင်ပါသည်။ သုဒ္ဓဒိန် ဆိုသည်မှာ သုဒ္ဓ= စင်ကြယ်သော၊ ဒိန= နေ့ (စင်ကြယ်သောနေ့) ဟူသော အဓိပ္ပာယ်ဖြစ်ပါသည်။

နှောင်းတန်ခူးရေတွက်ပုံ

၁၃၇၄ နှောင်းတန်ခူး ရက်များသည် တစ်နှစ်တာကာလရက်ပေါင်း 365.25 ရက်ခန့်ရောက်ရှိပြီသော သင်္ကြန်အတက်နေ့ထိ ရေတွက်ရပါသည်။ သင်္ကြန်အတက်နေ့နှင့် မတိုင်မီ ရက်များသည် တန်ခူးလသို့ ရောက်ရှိသော်လည်း နှစ်သစ်ကူးပြောင်းခြင်း မရှိသေးပါချေ။ ယခုပြက္ခဒိန်တွင် တန်ခူးလဆန်း ၁ ရက်နေ့တွင် သုဒ္ဓဒိန် 360 ဟု ဖော်ပြထားသည်မှာ ၁၃၇၄ ခုနှစ်၏ နှစ်ဆန်း ၁ရက်နေ့မှ စတင်ရေတွက်လာတဲ့ ရက်ပေါင်း 360 ရှိပြီဟု ဆိုလိုခြင်း ဖြစ်ပါသည်။ တစ်နည်းအားဖြင့် တစ်နှစ်တာကာလ 365.25 ရက်ခန့် မရှိသေးသဖြင့် နှစ်သစ်ကူးပြောင်းမှု မရှိသေးဟုလည်း သိရှိနိုင်ပါသည်။

ထို့ကြောင့် မြန်မာပြက္ခဒိန်အား မှတ်သားရာတွင် နှစ်ဆန်းတစ်ရက်နေ့ မတိုင်မီရက်များသည် မြန်မာသက္ကရာဇ် ၁၃၇၄ ခုနှစ်၏ နှစ်ဟောင်းရက်များ ဖြစ်ပါသဖြင့် . .

မြန်မာသက္ကရာဇ် ၁၃၇၄ ခုနှစ်၊ နှောင်းတန်းခူး လဆန်း ၁ ရက် (11-4-2013)

မြန်မာသက္ကရာဇ် ၁၃၇၄ ခုနှစ်၊ နှောင်းတန်းခူး လဆန်း ၂ ရက် (12-4-2013)

မြန်မာသက္ကရာဇ် ၁၃၇၄ ခုနှစ်၊ နှောင်းတန်းခူး လဆန်း ၃ ရက် (13-4-2013)

မြန်မာသက္ကရာဇ် ၁၃၇၄ ခုနှစ်၊ နှောင်းတန်းခူး လဆန်း ၄ ရက် (14-4-2013)

မြန်မာသက္ကရာဇ် ၁၃၇၄ ခုနှစ်၊ နှောင်းတန်းခူး လဆန်း ၅ ရက် (15-4-2013)

မြန်မာသက္ကရာဇ် ၁၃၇၄ ခုနှစ်၊ နှောင်းတန်းခူး လဆန်း ၆ ရက် (16-4-2013)

စသည်ဖြင့် ရေတွက်ရပါသည်။

ဦးတန်ခူးရေတွက်ပုံ

သင်္ကြန်အတက်နေ့ပြီး နောက်တစ်နေ့သည် ၁၃၇၄ ခုနှစ် နှစ်ဟောင်းကုန်ဆုံး၍ မြန်မာသက္ကရာဇ် ၁၃၇၅ ခုနှစ် နှစ်သစ်သို့ ကူးပြောင်းပြီဖြစ်ပါသဖြင့် ဦးတန်ခူး ဟု ရေတွက်ရပါမည်။ ၁၃၇၅ ခုနှစ်၏ နှစ်ဆန်းတစ်ရက်နေ့မှ စတင်၍ နှစ်ဦး အစရက်များ ဖြစ်ပါသဖြင့် . .

မြန်မာသက္ကရာဇ် ၁၃၇၅ ခုနှစ်၊ ဦးတန်းခူး လဆန်း ၇ ရက် (17-4-2013)

မြန်မာသက္ကရာဇ် ၁၃၇၅ ခုနှစ်၊ ဦးတန်းခူး လဆန်း ၈ ရက် (18-4-2013)

မြန်မာသက္ကရာဇ် ၁၃၇၅ ခုနှစ်၊ ဦးတန်းခူး လဆန်း ၉ ရက် (19-4-2013)

 . . . . စသည်ဖြင့် ရေတွက်မှတ်သားရပါသည်။

အလွယ်အားဖြင့် မှတ်သားလိုပါက တန်ခူးလတွင် နှစ်ဆန်းတစ်ရက် မတိုင်မီရက်များအား နှစ်ဟောင်း၏ “နှောင်းတန်ခူး” ဟူ၍ မှတ်သားရပြီး နှစ်ဆန်းတစ်ရက်နေ့မှ စတင်၍ နှစ်သစ်၏ “ဦးတန်ခူး” ဟူ၍ မှတ်သားနိုင်ပါသည်။

အကယ်၍ နှစ်ဆန်း တစ်ရက်နေ့သည် ကဆုန်လဆန်း 5 ရက်နေ့တွင် ကျရောက်နေသည်ဆိုပါစို့။ ထိုအခါ တန်ခူးလ တစ်လလုံးကို နှောင်းတန်ခူးလဟု မှတ်သားရပါလိမ့်မည်။ တန်ခူးလတွင် နှစ်သစ်ကူးပြောင်းခြင်း မရှိသောကြောင့် ဦးတန်ခူးဟူ၍ ရှိတော့မည် မဟုတ်ပါ။ ကဆုန်လဆန်း 4 ရက်နေ့ထိ နှောင်းကဆုန်လဆန်း 4 ရက်ဟု ရေတွက် မှတ်သားရပါလိမ့်မည်။ နှစ်ဆန်းတစ်ရက်နေ့ဖြစ်သော ကဆုန်လဆန်း 5 ရက်နေ့အား ဦးကဆုန်လဆန်း 5 ရက် ဟု မှတ်သားရမည် ဖြစ်ပါသည်။

မြန်မာ သက္ကရာဇ် 1375 ခုနှစ်သည် တန်ခူးလတွင်ပင် နှစ်သစ်ကူးပြောင်း သဖြင့် ကဆုန်လအား ဦးကဆုန် စသည်ဖြင့် မှတ်သားရန် မလိုအပ်ပါချေ။

နှောင်းတန်ခူး၊ ဦးတန်ခူး စတာတွေ မမှတ်သားသော် ဘာဖြစ်မည်နည်း။

အသက်မှန်တွက်ရန် ပြဿနာတက်နိုင်ခြင်း

နေ့များ ပြဿနာ တက်နိုင်ခြင်း

ဗေဒင်အဟောများ လွဲချော်နိုင်ခြင်း စသည်ဖြင့် ကြုံတွေ့ရမည့် ပြဿနာ များစွာပင် . .

ဥပမာ . . .

သင်သည် မွေးသက္ကရာဇ်အား သက္ကရာဇ် 1375 ခုနှစ် တန်ခူးလဆန်း 7 ရက် မွေးဖွားသည် ဟု မှတ်သားထားသည်ဆိုပါအံ့။ ဤတွင် ပြဿနာစပါပြီ . . 

မြန်မာသက္ကရာဇ် 1375 ခုနှစ်တွင် တန်ခူးလဆန်း 7 ရက်သည် နှစ်ကြိမ်ပါဝင်နေသောကြောင့် ဖြစ်ပါသည်။

           

ရှင်းအောင်ပြောရသော် . . 

မြန်မာသက္ကရာဇ် 1375 ခုနှစ်တွင် ဦးတန်ခူးလဆန်း 7 ရက် သည် နေသွားအရ သုဒ္ဓဒိန် 1 ရက် (နှစ်ဆန်းတစ်ရက်နေ့) ဖြစ်ပါသည်။ ထိုနေ့သည် (ဗုဒ္ဓဟူးနေ့) ဖြစ်ပါသည်။ (ခရစ်နှစ် 17ရက်- ဧပြီလ- 2013)

မြန်မာသက္ကရာဇ် 1375 ခုနှစ်အတွင်းမှာပင် နေသွားသုဒ္ဓဒိန် 355 ရောက်ရှိသောနေ့တွင် နှောင်းတန်ခူးလဆန်း 7 ရက် နောက်တစ်ကြိမ် ပြန်လာချေဦးမည်။ ထိုနေ့သည် တနင်္ဂနွေနေ့ ဖြစ်ပါသည်။ (ခရစ်နှစ် 6ရက်- ဧပြီလ- 2014)

ထို့ကြောင့် မြန်မာသက္ကရာဇ် 1375 ခုနှစ်  တန်ခူးလဆန်း 7 ရက်ဟု မှတ်သားမိသော် . . .

ဦးတန်ခူး လဆန်း 7 နေ့တွင်လည်း 1ရက်သား မွေးကင်းစ . . မွေးဖွားပြီး ရက်ပေါင်း 355 ရက်သို့ ရောက်ရှိသော် တန်ခူးလဆန်း 7 ရက်ပင် ဖြစ်သဖြင့် 1 ရက်သား မွေးကင်းစ အဖြစ် အမှတ်မှားနိုင်ပါသည်။ တဖန် ဗုဒ္ဓဟူးသား နှင့် တနင်္ဂနွေသား ဟူသော ပြဿနာသည်လည်း ပူးတွဲပါဝင်လာပြန်သည်။ ထိုသို့သော ပြဿနာများကြောင့် နှစ် (၃၀၀) မြန်မာ-အင်္ဂလိပ် ပြက္ခဒိန် converter တွင် နှောင်းတန်ခူး၊ နှောင်းကဆုန်တို့အား တန်ခူးလ၊ ကဆုန်လတို့ဖြင့် မှားယွင်းရွေးချယ်မိပါက အဖြေ (၁)နှစ်ကွာခြားနိုင်ပါသဖြင့် သတိပြု ရွေးချယ်ပါရန် ဟု မှတ်ချက် ရေးသားထားရခြင်း ဖြစ်ပါသည်။

ဤသို့ ပြဿနာများကို သာမန်သူများထက်ပို၍ ဗေဒင်ဟောပြောသူ ဆရာများအနေဖြင့် လွန်စွာသတိထား သင့်ပါသည်။ အဘယ်ကြောင့်ဆိုသော် ဗေဒင် မေးလာသူမှ 1375 ခုနှစ် တန်ခူးလဆန်း 7 ရက် တနင်္ဂနွေနေ့သားပါဆရာ (နှောင်းတန်ခူးလဆန်းဟုမပြော) ဟု ပြောလာသည်ဆိုပါအံ့။  ပြက္ခဒိန်အကြောင်း လေ့လာမှုမရှိသော ဗေဒင်ဆရာမှ ပြက္ခဒိန်စာအုပ်ရှိ ဦးတန်ခူးလဆန်း 7 ရက်နေ့အား လှန်ကြည့်ပြီး အဲဒီနေ့က တနင်္ဂနွေနေ့ မဟုတ်ပါဘူး။ ဗုဒ္ဓဟူးနေ့ပါ မယုံရင် ဒီမှာကြည့်ဟုဆို၍ ပြက္ခဒိန်စာအုပ်အား ဖွင့်ပြမိသော် မခက်ပါလား။ ပြက္ခဒိန်စာအုပ်ကိုကြည့်ပြီး မေးသူကလည်း ၀ိုးတိုးဝါးတား နဝေတိန်တောင် ဖြစ် . . ဆရာကလည်း ဟုတ်မှန်ပြီထင်သဖြင့် တနင်္ဂနွေ ရာဇဖွားဖြင့် ဟောရမည်ကို ဗုဒ္ဓဟူးနေ့သားဖြင့် ပုတိဖွား အဟောတွေဟော၊ တိုင်တွေကလည်း အလွဲလွဲအချော်ချော် . .  ယတြာတွေချေခိုင်း . .  ဟုတ်တော့ ဟုတ်ချေပြီတကား။ ထိုသို့ မဖြစ်စေရန် ဆရာမှ လာမေးသူအား မြန်မာပြက္ခဒိန်အား မှတ်သားရာတွင် နှောင်းတန်ခူး၊ ဦးတန်ခူး စသည်ဖြင့် မှတ်သားသင့်ကြောင်း လမ်းညွှန်တည့်မတ် ပေးရပေလိမ့်မည်။ ယခုဆောင်းပါးအား ဖတ်ရှုပြီးသူများအနေဖြင့် မိမိပတ်ဝန်းကျင်ရှိ သူများအား နှောင်းတန်ခူး၊ ဦးတန်ခူးအကြောင်း ခွဲခြားမှတ်သား တတ်စေရန် ပြန်လည် ပြောပြပေးစေလိုပါသည်။

အင်္ဂလိပ်ရက်စွဲသာ မှတ်ထားရင် ပြီးတာပဲ။ လဆန်း၊ လဆုတ်တွေ ဘာကြောင့် မှတ်ရတာလဲ ဟုဆိုပြန်ချေသော် လူတို့၏ အလုံးစုံ ဆောင်ရွက်ဖွယ် ကိစ္စဟူသမျှတို့ကို  လမင်း၏ အခြင်းအရာဖြစ်သော တိထီ တို့ဖြင့်သာ ဆောင်ရွက်ရသဖြင့် မြန်မာပြက္ခဒိန်များတွင် လဆန်း၊ လဆုတ်စသည်တို့ကို အလေးထား ဖော်ပြရခြင်းကို မြန်မာပြက္ခဒိန်အကြောင်းတစေ့တစ်စောင်း(1) တွင် ရေးသား ဖော်ပြခဲ့ပြီး ဖြစ်ပါသည်။ ထိုဆောင်းပါး ပြန်လည် ဖတ်ရှုပါဟုသာ ပြောရုံမှတပါး ဆိုဖွယ်မရှိပြီ . . .  အင်္ဂလိပ်ပြက္ခဒိန်သည် ဗုဒ္ဓဘာသာဝင် မြန်မာလူမျိုးတို့အတွက် အရေးပါလှသော ဥပုသ် သီတင်း၊ လဆန်း၊ လပြည့်၊ လဆုတ်၊ လကွယ် ၊ စသည်တို့အား ကြည့်ရှု မှတ်သားနိုင်သော ပြက္ခဒိန် မဟုတ်ပါချေတကား။

လူတိုင်း စိတ်မ၀င်စားသော မြန်မာပြက္ခဒိန်အကြောင်းအရာအား ဖတ်ရှုသူများအား အထူးကျေးဇူးတင်ပါသည်။ အားဆေးလေးတစ်ခွက်အဖြစ် comment လေးများ ရေးထားခဲ့စေချင်ပါသည်။ နောက်မှ ဆက်ပါဦးမည် . . .

ဆောင်းပါးလဲ ပြီးသွားပြီဆိုတော့ စာရှုသူများ မေးခွန်းလေး တစ်ခု မေးချင်ပါသည်။

သက္ကရာဇ် 1375 ခုနှစ် တန်ခူးလဆန်း 7 ရက်သည် မည်သည့်နေ့ ဖြစ်ပါသနည်း။ :)

စာရှုသူမှ ဘယ်တန်ခူးကို မေးတာလဲ။ နှောင်းတန်းခူးကို မေးတာလား။ ဦးတန်ခူးကို မေးတာလားဟု ကျွန်တော့်အား ပြန်လည်မေးချင်စိတ် ရှိလျှင်ပင် ဤဆောင်းပါးအား ရေးသားရကျိုးနပ်ပြီ ဖြစ်ပါသည်။

မြန်မာပြက္ခဒိန် ကမ္ဘာ့အလယ် ၀င့်ထည်နိုင်ပါစေသတည်း . . .

မောင်အောင်ဟိန်းအေး

aungheinayeaha@gmail.com

ဆက်ဖတ်ရန်

ဆက်ဖတ်ရန်>>>

သစ္စာခံ ဆန်းကျမ်း ဗေဒင်ပညာ (နောက်ဆုံးပိုင်း)

လက်တွေ့ဟောပြောပုံ နမူနာဇာတာ

မွေးသက္ကရာဇ်       - ၁၃၀၁ ခုနှစ်၊ ၀ါခေါင်လဆန်း (၆)ရက်၊ တနင်္ဂနွေဂြိုဟ်နေ့

ရုပ်သဏ္ဍာန်         - အသားမဲ အရပ်ပု၍ ပြည့်ဝသောကိုယ်ရှိသည်

မေးသည့်နေ့        - ၁၃၃၄ ခုနှစ်၊ တပို့တွဲလဆန်း (၆)ရက်၊ ကြာသပတေးဂြိုဟ်နေ့

နာမည်ပညတ်      - ကိုအောင်သိန်း

၅

၃

ဝ

၎

၂

၂

၃

၆

၅

၁

၆

၆

၃

၁

၁

၂

၅

၎

၃

၎

၂

၅

၂

ဝ

ဝ

၁

၎

၂

၁

ဝ

၅

၎

၁

၆

၆

ဝ

၃

ဝ

၆

၃

၁

၃

ဝ

၅

၅

၆

၂

၆

၎

၂

၆

၎

၎

၅

၁

၂

ဝ

၁

၅

၃

၃

၎

ဝ

မူလ

ကောဇာ

ဂြိုဟ်စား

သက်ရောက်

ဓါတ်ဒသာ

ဂြိုဟ်အား
ဘင်္ဂ	၆	၀	၁	၂	၃	၄	၅
မွေးလ	၅	၆	၀	၁	၂	၃	၄
မွေးနံ	၁	၂	၃	၄	၅	၆	၀
	၁၂	၈	၄	၇	၁၀	၁၃	၉

မူလဇာတာနှင့် ဇာတာရှင်၏ ရုပ်လက္ခဏာတို့ကို စီစစ်ကြည့်လျှင် တနင်္ဂနွေဂြိုဟ်သည် (၀ရ) ဣဋ္ဌ လက်ျာဘွား ဖြစ်၏။ လူက အနိဋ္ဌအားသာနေသည်။ လက်ျာဘွားဖြစ်သော်လည်း သဒ္ဒနိကာယ် အသံတွင် ပျော့၍အေးသည်။ ထို့ကြောင့် စိတ်ဓါတ်သည် လက်ဝဲသို့ ယိမ်းနေ၏။ ညှာတာတတ်ခြင်း၊ အားနာတတ်ခြင်း၊ ခွင့်လွှတ်သည်းခံတတ်ခြင်း၊ ယုံကြည်ကိုးကွယ်ခြင်း တို့ရှိမည်။ ဇာတာက လက်ျာ၊ စိတ်က လက်ဝဲစိတ်။

ဣဋ္ဌဘွား၊ အနိဋ္ဌရုပ်ကြောင့် ကံအကျိုးပေးသည် လွဲချော်မည်။ ခက်ခဲပင်ပန်းမည်။ စိတ်ဆန္ဒများ ပြည့်ဝအောင် အကျိုးပေးဘို့ အနှောင့်အယှက်များမည်။ ကိုယ်စိတ်ပင်ပန်းမည်။ တနင်္ဂနွေဂြိုဟ်သည် ၀ရတွင် ရှိသော်လည်း အင်အားမှာ ၄အားသာရှိ၍ အဘအကျိုး မခံစားရ။

လက်ျာဘွားသည် လက်ဝဲစိတ်နေစိတ်ထားရှိ၍ ဘ၀တာတွင် မိမိအား အနိုင်ကျင့်သူ ပေါများမည်။ ရိုသေလေးစားသူ မရှိတတ်။ သြဇာကင်းမဲ့၏။ အပေါင်းအသင်းကြောင့် ထိခိုက်နစ်နာတတ်၏။ စီးပွားရေးတွင် ဆုံးရှုံးနစ်နာမှု များမည်။

နာမည်သည် ၁-၆ ဖြစ်သောကြောင့် ဣဋ္ဌမှ အနိဌသို့ မှည့်သော နာမည်ဖြစ်ခြင်း၊ တိုင်စဉ် ဇောက်ထိုး ဖြစ်ခြင်းတို့ကြောင့် အစတွင် ကောင်းသလိုလိုနှင့် အဆုံး၌ ပျက်ရခြင်း၊ ဘေးရန်များခြင်း၊ ထိခိုက်ခြင်းများကို တွေ့ကြုံရမည်။

ကြာသပတေးဂြိုဟ်သည် အား ၁၀-မပြည့်သော်လည်း ဇေယျဖြစ်သောကြောင့် ဥာဏ်ပညာ အမြော်အမြင်ရှိသည်။ ပညာရေးမူကား အဆုံးသတ်တွင် ခက်ခဲစွာရင်ဆိုင်ရတတ်သည်။ (နာမည်သဘော အစကောင်း၍ အနှောင်းညံ့)

စီးပွားရေး အလုပ်အကိုင် အကြံအစည်တို့တွင် တနင်္ဂနွေဂြိုဟ်နှင့် တနင်္လာဂြိုဟ်တို့ကြောင့် ငွေရှင်ကြေးရှင် လူချမ်းသာတစ်ယောက် ဖြစ်မလာနိုင် (အချို့ မွေးရာပါ မိဘချမ်းသာသူများ ဖြစ်စေကာမူ မိမိကိုယ်တိုင် စီမံနိုင်ခြင်းမရှိ၍ မိမိ၏ ချမ်းသာမှုဟု မယူဆနိုင်) ဇာတာရှင်၏ စီးပွားရေးသည် ခိုင်မာစိတ်ချရသော စီးပွားရေးမဟုတ်။

အိမ်ထောင်ရေးတွင် သောကြာဂြိုဟ်သည် (မရဏ) ဂြိုဟ် ဖြစ်သော်လည်း အား (၁၂) ရှိသောကြောင့် သင်သည် ဇာတာတွင် မိန်းမဂြိုဟ် မယားဂြိုဟ် သောကြာဂြိုဟ် လက်ျာတွင်ရှိ၍ ဇာတာရှင်ကို နိုင်သော ထက်မြက်သည့် မိန်းမမျိုးကိုရလျှင် ခိုင်မြဲမည်။ ပျော့ညံ့သော မိန်းမနှင့် ရလျှင် မမြဲချေ။

မေးသည့်ကာလတွင် ရောက်ရှိနေသော ဒသာမှာ တနင်္လာဂြိုဟ် သက်ရောက်မှ ကူးလာသော ဓါတ်ဖက် ကြာသပတေးဂြိုဟ်၏ ဒသာဖြစ်၏။ ၎င်းကြာသပတေးဂြိုဟ်သည် မူလက အထက်ဂြိုဟ်ဖြစ်၍ ကောဇာတွင် ဒွယ ထက်အောက် ကောင်းဆိုးညီမျှသော ဂြိုဟ်ဖြစ်သည်။

ရောက်လာသောနေ့သည် ကြာသပတေးဂြိုဟ်နေ့ဖြစ်၍ ဒသာတိုင်တွင် တိက္ခနိစ်ဌာန၌ရှိနေ၏။ ကောဇာတိုင်တွင် ဒွယ ဌာနတွင်ရှိသည်။

ဆရာ၏ လက်ဝဲဘက်တွင် ထိုင်၍ ဒူးတဖက်ထောင် တစ်ဖက်လှဲ ထိုင်၍မေး၏။

အခြေအနေအရပ်ရပ်တို့ အပျက်အစီးများ၍ လက်ရှိအခြေအနေမှ ပြောင်းလဲရမည့်သူ တစ်ဦးဖြစ်သည်။ (ကြာသပတေးဂြိုဟ်ဒသာတွင် ၀ဲဘက်မှထိုင်၍ ဒူးတစ်ဘက်ထောင် တစ်ဖက်လှဲ ထိုင်၍လည်းကောင်း၊ ကြာသပတေးဂြိုဟ်နေ့သည် အပျက် တိက္ခနိစ်တွင် ရှိခြင်းကြောင့် လည်းကောင်း၊ အပျက်နှင့် အပြောင်းကို ဦးစားပေးဟောသည်။)

ဗေဒင်မေးရင်း ရည်ရွယ်ချက်များကို ဆုံးဖြတ်ရာ၌ အပျက်များခြင်း၊ အထမမြောက်ခြင်း၊ မအောင်မြင်ခြင်းများကို ဟောရမည်။

ဂြိုဟ်စားတွင် ဂြိုဟ်သက် (၂၉)နှစ်မှ (၄၆)နှစ်အတွင်း ဗုဒ္ဓဟူးဂြိုဟ် (လာဘ)ဂြိုဟ်စားခြင်း၊ ၎င်းဗုဒ္ဓဟူးဂြိုဟ်သည် မွေးနံ တနင်္ဂနွေဂြိုဟ်နှင့် ၁-၄ (အင်းဝ) (ဦးဝေ) ရန်များကျခြင်း၊ လက်ျာ ၀ရဘွားသည် လက်ဝဲ လာဘတွင် ကျခြင်းများကြောင့် ဇာတာရှင်သည် အသက် ၄၆ နှစ်တိုင်အောင်အတွင်း . . .

တနင်္လာဂြိုဟ် သက်ရှိပရိယာယ်၊ အင်္ဂါဂြိုဟ် သက်မဲ့ပရိယာယ်၊ သောကြာဂြိုဟ် သက်ရှိပရိယာယ်တို့ကို အကြောင်းပြု၍ (ဂြိုဟ်စားတိုင်အရ) ခြေ၂ချောင်း ထွက်ခြင်း၊ အိမ်ထောင်ပျက်ခြင်း၊ အင်္ဂါဂြိုဟ်ပစ္စည်းကြောင့် ထိခိုက်နစ်နာခြင်းများကို ယူဆရမည်။

အသက် ၂၉ နှစ်မှ ၄၆ နှစ်အတွင်း ကောင်းသော လာဘ အထက်ဂြိုဟ် ဗုဒ္ဓဟူးဂြိုဟ်၏ ကာလအတွင်း ဖြစ်သောငြားလည်း ဇာတာရှင်အဘို့ အကောင်းမခံစားရပါ။ ကောင်းကျိုးထက် ဆိုးကျိုး ပေးဘို့သာ များလေသည်။)

အသက် ၃၃ နှစ်ပြည့်ပြီး ပဌမ ၄လ တနင်္လာဂြိုဟ်ဒသာကိုချန်၍ ယခုရောက်ဆဲ ဓါတ်ဒသာ ကြာသပတေးဂြိုဟ် ကာလအတွင်း ၎င်းဒသာတိုင်ကို မူတည်၍ နိမိတ်နှင့်တကွ ဟောပုံမှာ . . .

ဟောမည့် ပစ္စက္ခကာလ (ကြာသပတေးဂြိုဟ် ဓါတ်ဒသာ)သည် ဟောသည့်ကာလ ကောဇာတိုင်တွင် ဒွယဌာနမှာပင်ရှိ၍ အထက်တစ်ဝက် အောက်တစ်ဝက်ဂြိုဟ် ဖြစ်သောကြောင့် ကောင်းဆိုးဌာနအားလုံးမှ နိမိတ်များကို ပြနိုင်သည်။ သို့ရာတွင် မေးသည့်နေ့ နိမိတ်ပျက်၊ အထိုင် (ထိုင်ပုံအနေအထား) အနိဋ္ဌတို့ကြောင့် အနိဋ္ဌအားသာ၍ အဆိုးနိမိတ်များကို ဦးစားပေး၍ ဟောရမည်။

ပြဌာနရှိ ၂-၅ ဂဗ္ဘေ သက်ရှိ။ အနီး တနင်္လာဂြိုဟ်(ကာရဏကာရက) မြေဂြိုဟ် ကြာသပတေးဂြိုဟ်ကပ်ခြင်း၊ ယောက်ျားဂြိုဟ်၊ ဌာနပမာဏ၊ ၀ိပရိတ်ပြန်သော် သက်မဲ့၊ လေဂြိုဟ်၊ အဝေး၊ ကာလပမာဏ၊ ၎င်းသည် ဆိုးသောဌာနတွင် အကြောင်းနိမိတ်ဖြစ်သည်။

မန္ဒနိစ်ဌာနရှိ ၆-၂ သောက သက်မဲ့။ (သမ္ပဒါနကာရက) မြေဂြိုဟ် တနင်္လာဂြိုဟ်ကပ်ခြင်း၊ မိန်းမဂြိုဟ်၊ အနီး၊ အထက်ဂြိုဟ်ကပ်ခြင်း၊ ၀ိပရိတ်ပြန်သော် သက်ရှိ။ လေဂြိုဟ်၊ အဝေး၊ အောက်ဂြိုဟ် (တိရစ္ဆာန် အထီး) ၎င်းသည် ဆိုးသော မန္ဒနိစ်ဌာနတွင် အကြောင်းနိမိတ် ဖြစ်သည်။

တိက္ခနိစ်ဌာနရှိ (၅-၁) ပအောင် သက်ရှိ (ကမ္မကာရက) မီးဂြိုဟ် တနင်္ဂနွေဂြိုဟ်ကပ်၊ ယောက်ျား၊ အဝေး၊ အောက်ဂြိုဟ်ကပ်ခြင်း၊ ဌာနပမာဏ၊ ၀ိပရိတ်ပြန်သော် သက်မဲ့၊ ရေဂြိုဟ်၊ အနီး၊ အထက်ဂြိုဟ်၊ ကာလပမာဏ၊ ၎င်းသည် ဆိုးသော တိက္ခနိစ်ဌာနတွင် အကြောင်းနိမိတ်ဖြစ်သည်။

အထက်ပါတို့မှ ဦးစွာဟောပြောအပ်သော အကြောင်းအရာကို ရွေးချယ်လျှင် တနင်္လာဂြိုဟ်၏ အဖြစ်အပျက်၊ ကြာသပတေးဂြိုဟ်၏ အဖြစ်အပျက်၊ သောကြာဂြိုဟ်၏ အဖြစ်အပျက်များသာ ဖြစ်သည်။ (မေးသောနေ့ အပျက်နှင့် အထိုင်ပျက်)

ထို့ကြောင့် ဇာတာရှင်သည် ဝေးသောအရပ် (၀ါ) တစ်ခြားအရပ်ဒေသမှ ချေးယူထားသော ငွေ အကြွေးကို ပြန်လည်မဆက်နိုင်ခြင်း၊ ငွေပူ ငွေမှုများပေါ်ခြင်း ဟူသော အကြောင်းနိမိတ်ကို တွေ့ကြုံရပြီးနောက် (တနင်္လာဂြိုဟ် ၀ိပရိတ်ပြန်ထားသည်) အလုပ်တူ၊ ဌာနတူ (အနီး၊ ကာရဏကာရကသဘော) ရာထူးအလတ်စား အရာရှိ (ဒွယကြာသပတေးဂြိုဟ် ကပ်ခြင်းသဘော) ယောက်ျားတစ်ဦး (အမည်တပ်လိုပါက ကပ်ဂြိုဟ်တိုင်ကိုကြည့်) (ကပ်ဂြိုဟ်တိုင်တွင် တနင်္လာဂြိုဟ်ကို သောကြာဂြိုဟ် ပြန်၍ ကပ်နေသည်။) ကျော်သိန်း၊ သိန်းကျော် (ကသ) (သက) စသည်နှင့် ပဋိပက္ခဖြစ်ပြီး အလုပ်မှ ပြောင်းရန်ပေါ်ပေါက်ခြင်း၊ ပြောင်းလိုခြင်းများသည် အကျိုးတရားအဖြစ် ပေါ်ပေါက်လာမည် ဖြစ်သည်။ ဇာတာရှင်သည် အရေးနိမ့်နေသည် (အကြောင်းမှာ မေးသည့်နေ့ နိမိတ်ဂြိုဟ်သည် အပျက်အားသာလျှက် ရှိသောကြောင့်ဖြစ်သည်။)

ပျက်ဌာနဖြစ်သည့် ကြာသပတေးဂြိုဟ် အကြောင်း၊ သောကြာဂြိုဟ် အကြောင်းများတွင် ဧကန် အဆိုး (၆မတ်ဆိုးသည့် ကြာသပတေးဂြိုဟ် အကြောင်းကို ဟောသောအခါ) မိုးကာ (၀ိပရိတ်ပြန်ထားသည်များကိုကြည့်ပါ) (သက်မဲ့၊ ရေဂြိုဟ်၊ အနီး၊ အထက်ဂြိုဟ်၊ ကာလပမာဏ) ထို့ကြောင့် မိုးကာအင်္ကျီ (ပျက်သောဌာနချင်းလည်း တွဲစပ်အမည်ဖော်ထားသည်) ပျောက်သွားခြင်း၊ အခိုးခံရခြင်း စသော အကြောင်းနိမိတ်ကို ကြုံတွေ့ရပြီးနောက် ဇာတာရှင်သည် အောက်ပိုင်း ပေါင်ခြံတွင်၊ ပေါင်တွင် မီးပူလောင်ခြင်း၊ အပူလောင်ခြင်း စသော အနာတရ ဖြစ်မည်။ (မိမိနေအိမ်တါင် မဟုတ်ဘဲ အိမ်အပြင်ပတွင် ထိုင်နေစဉ်၊ နားနေစဉ် ဖြစ်မည်။)

အောက်ဂြိုဟ်ကပ်၍ သက်ရှိဖြစ်သောကြောင့် ဇာတာရှင်၏ ခန္ဓာကိုယ်အောက်ပိုင်း၊ ပေါင်တွင် မီးဂြိုဟ်ကပ်၍ ပျက်ခြင်းကို ထောက်၍ အပူလောင်ခြင်း၊ အဝေးရဖြစ်၍ တခြားအိမ်တွင် ဖြစ်ခြင်း၊ ဌာနပမာဏ ဖြစ်၍ သွားလာနေစဉ် မဟုတ်ဘဲ ထိုင်နေစဉ် နားနေစဉ် ဖြစ်ရခြင်း၊ ကမ္မကာရကဖြစ်၍ အလုပ်နှင့် စပ်ဆိုင်သော မီးအပူဒဏ်ဖြစ်ခြင်းတို့ကို ဟောလေသည်။

အမည်တပ်လိုသော် ပရတိုင်ခေါ် ကပ်ဂြိုဟ်တိုင်ကိုကြည့်လျှင် ၎င်းကြာသပတေးဂြိုဟ်ကို ပြဌာနတွင် တနင်္လာဂြိုဟ် ကပ်လျှက်ရှိ၍ ၅-၂ သက်မဲ့ ဖြစ်သောကြောင့် မီးခွက်ဖြစ်ခြင်း၊ မတော်တဆ အလိုအလျောက် မီးခွက်နှင့် တိုက်မိပြီး ပေါင်တွင် မီးပူလောင် ဒါဏ်ရာရခြင်းကို ယူဆဟောပြောနိုင်၏။

မန္ဒနိစ်ဌာနရှိ သောကြာဂြိုဟ် အပျက်ကို ဆက်လက်ဟောပြောရန်မှာ အတောင်ပေါက်သတ္တ၀ါ (သိန်းငှက်) စသည် အဝေးရပ်မှလာပြီး ဇာတာရှင်နေအိမ်၊ ခြံမြေစသည်တို့တွင် ထိခိုက်သေဆုံးသွားခြင်း၊ ဒဏ်ရာရသွားခြင်း၊ အပြစ်တင်ခံရခြင်း နိမိတ်ကို ဇာတာရှင်ကိုယ်တိုင် စိတ်မချမ်းမြေ့ဘွယ် မျက်မြင်လက်တွေ့ ကြုံရပါက . . .

ဇာတာရှင်နှင့် ၂ဦးစပ် ပိုင်ဆိုင်သည့် သစ်ပင်၊ သွပ် (စသည်လည်း ယူဆနိုင်သည်) ရောင်းချလိုက်ရခြင်း၊ (သောကြာဂြိုဟ် ဆိုးကောင်းအားမျှတခြင်းသဘော) ဖြင့် ထွက်သွားမည်။ (ငွေကြေးကျပ်တည်း၍ ရောင်းလိုက်ရမည်။)

အမည်တပ်လိုသော် . . . ပရတိုင် ခေါ် ကပ်ဂြိုဟ်တိုင်ကိုကြည့်လျှင် ၎င်းသောကြာဂြိုဟ် သည် တိုင်ထိပ်တွင် ကောဇာ ဇေယျ အင်္ဂါဂြိုဟ်ကပ်၍ ၆-၃ သားဆွေ သက်ရှိ၊ မိတ်ပျက်ရန်၊ အဝေးရပ်၊ ကမ္မကာရဏ တို့ကိုထောက်၍ အလုပ်အကိုင် အထူးတိုးတက်ကြီးပွားနေသော နောက်ဖေးဘက်က တစ်အိမ်ကျော်လမ်းမှ (အဟောတိုင်တွင် မွေးနံမှ တန်းအောက်ပိုင်းကျ၍ တစ်လုံးကျော် သောကြာဂြိုဟ် ရှိသောကြောင့်) ဦးစိုးသိန်း၊ ဦးသန်းဆွေ (၃၆-၆၃) စသူက ၎င်း၏ အလုပ်တွင် အသုံးပြုရန် ၀ယ်သွားခြင်း ဖြစ်မည်။

ဇာတာရှင်က သိလို၍ မေးလာသော၊ စုံစမ်းလာသော အချက်များကို ကိန်းသဘောနှင့် မေးနေ့ အထိုင်များကိုကြည့်၍ ဟောပြောနိုင်ပါသည်။ အကြံပေးနိုင်သည်။ ဧကန်ဟု မဟောပြောနိုင်ပါ။

ဥပမာ     ။           ။ ကျွန်တော် အိမ်ခန်းတစ်ခန်း ငှားချင်ပါတယ်။ အဆင်ပြေပါ့မလား။

တနင်္ဂနွေဂြိုဟ်သည် ကောဇာကပ်ဂြိုဟ်ကြောင့် ကောင်းအားဆိုးအား မျှနေသော်လည်း အပျက်နိမိတ်များကို ထောက်၍ ယခုကာလ မရနိုင်သေးပါ။ အဆင်မပြေသေးပါဟု ဟောရမည်။ ရလျှင် အနစ်နာခံပြီးမှရမည်။

ကောင်းသောဌာန ကောင်းသော သောကြာဂြိုဟ် ကပ်သည့် အင်္ဂါဂြိုဟ် အကြောင်းမေးလာလျှင်လည်း (အကြံအစည်သာရှိသည်။ အထမမြောက်သေး) ဟူ၍ ဖြေရမည်။

ဆိုးဌာနနှင့် စပ်ဆိုင်သမျှ အမေးများရှိလျှင်မူကား ဧကန်အဆိုးဟုသာ ဟောရပါမည်။ အထမမြောက်ခြင်း၊ အထမြောက်လျှင် ထိခိုက်ဆုံးရှုံးခြင်းများကို ဟောရပါမည်။ ကိန်းသည် သဘာဝနိယာမ ဓါတ်များဖြစ်၍ ယတြာပြုခြင်း၊ ဆန်းဝင်ဆန်းကျင်မှုကြောင့် အကောင်းအဆိုးဖြစ်ခြင်းများကို ဟောပြောရခြင်း နိမိတ်သည် အတပ်အသေစွဲ၍ ဟောရခြင်းများသည် ဆန်းဗေဒင်ပညာ၏ အဓိက သော့ချက်ကြီး ဖြစ်ပေသည်။

ဆရာမင်းကျော်ဇော်၏ သစ္စာခံဆန်းကျမ်းဗေဒင်ပညာသင်တန်းမူ ပြီးပါပြီ  . . .

ဆက်ဖတ်ရန်

ဆက်ဖတ်ရန်>>>